Nysnø investerer i eit smartare straumnett

700 millionar kroner ekstra over statsbudsjettet gjer at fornybarfondet Nysnø, med Siri Kalvig i spissen. kan halda dampen oppe.

Eivind Egeland Olsen er investeringsdirektør i Nysnø, som held til i Stavanger.

Jon Ingemundsen
  • Kristine M. Stensland (Stavanger Aftenblad)
Publisert:

Det statlege fondet Nysnø investerer i selskap som skal bidra til å løysa klimautfordringar. Tysdag blei det kjent at dei går inn i Oslo-selskapet Greenbird.

– Me har ein database der me loggfører alle selskap og fond me er i kontakt med. Lista har over 600 oppføringar. Så langt har det blitt totalt 12 investeringar. Så det er eit trongt nålauge, seier investeringsdirektør Eivind Egeland Olsen i Nysnø.

Måndag besøkte næringsminister Iselin Nybø (V) Nysnø i Stavanger. Ho var der for å fortelja at regjeringa vil gje ytterlegare 700 millionar kroner til fondet i det komande statsbudsjettet. Dette blei fyrst omtalt av Dagens Næringsliv.

– Det betyr mykje for oss. Hadde me ikkje fått pengane, måtte me ha redusert investeringstakten. Me er ein veldig aktiv investor, seier Olsen til Aftenbladet/E24.

Eit grønare straumnett

Greenbird har utvikla verktøyet Utilihive. I ei pressemelding uttaler Greenbird-sjef Thorsten Heller at løysinga deira kan bidra til eit meir effektivt og fleksibelt straumnett.

Olsen meiner dette er viktig i ei framtid med meir bruk av fornybar energi.

– Fornybar energi frå sol og vind er diskontinuerleg. Då må ein styra nettet smartare, seier Olsen.

Han forklarer at Utilihive gjer det mogleg å knyta saman data frå ulike målepunkt, som for eksempel straummålarane i heimane våre.

– Greenbird har sett at energiselskap bruker mykje tid på å strukturera og reinska data frå målepunkta. Derfor har Greenbird laga ein plattform som gjer dette for dei, slik at energiselskapa kan bruka tida på å analysera og gjera lure ting i staden.

Fem millionar euro

Greenbird har no sikra seg over fem millionar euro i ny kapital.

– 40 prosent av dei fem millionane kjem frå oss. Resten kjem frå EnBW Venture og London-baserte ETF, som står for Environmental Technologies Fund, seier Olsen.

Han fortel at Nysnø alltid er opptekne av å finna dei beste internasjonale medinvestorane.

– EnBW Venture er investeringsarmen til eit tysk kraftselskap som bruker teknologien til Greenbird. ETF hadde investert i selskapet frå før og blei også med i denne emisjonen.

Ifølgje Olsen er Greenbird til stades i fleire land allereie.

– Dei leverer blant anna til nettselskapet i Taiwan som bruker Greenbird på heile verksemda si.

To år med investeringar

Nysnø gjorde si fyrste investering i oktober 2018. Då investerte dei i solcelleselskapet Otovo.

– Me har ikkje selt oss ut av nokon selskap endå. Me kjem inn som investor relativt tidleg i selskap, og me ventar at me skal eiga i godt over to år, seier Olsen.

Han håper det ikkje er lenge til dei kan offentleggjera nye investeringar.

– Me har nokon på trappene. Dessutan er det mykje spanande som ligg i pipeline for neste år.

Her kan du lese mer om

  1. Nysnø
  2. Fornybar energi
  3. Klima
  4. Iselin Nybø
mail
E24

Start dagen med

Morgengryn Logo

Hold deg oppdatert på de viktigste nyhetene, de siste nøkkeltallene, og dagens kalender. Tilbudet er gratis.

Flere artikler

  1. Betalt innhold

    I framtida kan han få oppdrag på vindturbinar på størrelse med oljeplattformer

  2. Betalt innhold

    Eit av landets største gartneri investerer i kunstig intelligens

  3. Vil gjera Noreg til ei grøn kjempe med store, statlege investeringar

  4. Annonsørinnhold

  5. Betalt innhold

    Sjefen deira vil ha null hierarki

  6. SV hevdar regjeringa ikkje følgjer opp stortingsvedtak