No meiner IVAR tida er inne for å realisera over ti år gamle biogassplanar

Biogass skal redusera utsleppa frå jordbruket. I år kan jærske bønder koma til å få ta i bruk eit anlegg som har vore planlagt i over ti år.

Soga om IVAR og biogassen inneheld 50 dekar matjord, både blaut og tørr kumøkk, og ein ny konkurrent.

– I eit område med så høg dyretettleik som Jæren, ventar ein at bøndene må velja mellom å redusera talet på dyr eller å finna ein alternativ måte å bruka gjødsla på, seier IVAR-sjefen, som endeleg er klar for å gje bøndene ei løysing.