Tunge aktørar posisjonerer seg for norsk havvind-utbygging

Tre selskap vil søka om å få bygga ut norske havvindparkar. Også Equinor vurderer å melda seg på konkurransen.

Havvind kan bli ein ny milliardindustri i Noreg, i alle fall om ein skal tru rapportar frå Menon Economics og Thema consulting som er blitt lagde fram den siste månaden. Eitt av vilkåra for at desse industridraumane skal bli verkelegheit, er at ein får etablert ein norsk heimemarknad. Derfor var det ein stor dag for håpefulle havvind-aktørar då olje- og energiminister Tina Bru (Høgre) i juni fortalde at to område utanfor den norske sørvestkysten vil bli opna for havvind.