Arven frå Helge Lund

Dei som håpar på store endringar i Statoil sin strategi vil bli skuffa.

Etter 10 år i sjefsstolen blei Helge Lund den første konsernsjefen i Statoil som har slutta på eige initiativ. Han kom til selskapet i august 2004, då selskapet fortsatt slikka såra etter korrupsjonsskandalen i Iran eit år tidlegare. Oljeprisen låg på 30-talet målt i USD/fat, utsiktene for norsk sokkel var svekka av kapitaldisiplinen rundt børsnoteringa og tilgangen på lønsame feltprosjekt på norsk sokkel var i ferd med å tørke ut som følgje av fleire år med låg leiteaktivitet.